Gumii Paarlaamaa Oromoo (GPO)

Oromo Parliamentarians Council (OPC)

 

Baga Nagaan Dhuftan!Welcome to Oromo parliamentarians council!

 

 

 

 

 

 

 

 

 

              New Page 2 home                         

ለሀገር ሰላም፣ ለሕዝብ ደህንነት ሲባል የህወሓት አመራሮች ለፍርድ መቅረብ አለባቸው!


Seyoum Teshome Analysis ሰኔ 15, 2018


“‘ፍቅር እንዲማሩ ብለን የእስር ማዘዣ ካወጡብን ሰዎች ጋር አብረን ማዕድ እየተቋደስን ነው! ይህ / አብይ /ሚኒስትር ሆነው የተመረጡ ሰሞን ለታዋቂ የኦሮሞ ተወላጆች በቤተ-መንግስት ባዘጋጁት የእራት ግብዣ ላይ የተናገሩት ነው። የእስር ማዘዣ የወጣባቸው እሳቸውን ጨምሮ አምስት የኦህዴድ ባለስልጣናት እንደሆኑ ተገልጿል። በእርግጥ እኔ ከአንድ ወር በፊት ህወሓቶች ከፍተኛ የኦህዴድንና ብአዴን አመራሮችን እስር ቤት ለማስገባት አቅደው እየተንቀሳቀሱ እንደሆነ ገልጬ ነበር። / አብይ ተናገሩ ከተባለ በኋላም የኦህዴድና ብአዴን አመራሮችን ጠይቄ ለማረጋገጥ እንደቻልኩት በእርግጥ የእስር ማዘዣው ተቆርጦ ነበር።

በእነ ጌታቸው አሰፋ የሚመራው ቡድን / አብይ እና ለማ መገርሳን ጨምሮ በአምስት የኦህዴድ አመራሮች ላይ የእስር ማዘዣ አውጥቶ ነበር የሚለው ለብዙዎች አይዋጥላቸውም። ይህ ደግሞ ከሁለት ዓይነት እሳቤ የመነጨ ነው። አንደኛ፡- እንደ ለማ መገርሳና / አብይ ያሉ መሪዎችን ማሰር ከኦሮሚያ አልፎ መላ ሀገሪቱን ምን ዓይነት ቀውስ ውስጥ ሊከታት እንደሚችል በራሳቸው በማሰብ ሕሊና ያለው ሰው ይህን አያደርግም የሚል ነው። ሁለተኛ፡- / አብይ “‘ፍቅር የማራሉ ብለን የእስር ማዘዣ ካወጡብን ሰዎች ጋር አብረን ማዕድ እየተቋደስን ነው! የሚለው የዶ/ አብይ አባባል ግራህን ሲመታህ ቀኝህን አዙርለት የሚሉት ዓይነት ነው። ስለዚህ / አብይ የፖለቲካ እንጂ መንፈሳዊ መሪ አይደለም። ፍቅርን እንዲማሩ ብዬ እስር ቤት ሊያስገቡኝ ከነበሩ ሰዎች ጋር ማዕድ እየተቋደስኩ ነው ብሎ ሲናገር ማመን ከባድ ነው።

ይሁን እንጂ፣ እነ / አብይ ቢታሰሩ ኖሮ በሀገሪቱ ውስጥ ሊከሰት ይችል የነበረው ሁከትና ብጥብጥ ሆነ የዶ/ አብይ መንፈሳዊ የሚመስል ፍቅርና ይቅርታ በህወሓቶች ዘንድ ቅንጣት ያህል ዋጋና ትሩጉም አልተሰጠውም፥ አይሰጠውም። በዜጎች ላይ የሚደርሰው ግፍና በደል፣ በሀገር ላይ የሚያስከትለው ጉዳትና ኪሳራ ወይም ከዶ/ አብይ ያገኙት ፍቅርና ይቅርታ፣ ወዘተ በህወሓቶች ዘንድ አሳሳቢ አይደለም። ምክንያቱም የህወሓቶች መነሻና መድረሻ የራሳቸውን የበላይነትና ተጠቃሚነት ማስቀጠል ነው። ለእነሱ የፖለቲካ ትርጉምና ፋይዳ የስልጣን የበላይነትና ተጠቃሚነት ብቻ ነው።

የህወሓትን የስልጣን እና የኢኮኖሚ ብዝበዛ ለማስቀጠል በምድር ላይ ያለ ነገር ሁሉ መስዕዋት ይደረጋል። ለምሳሌ የሀገር ሉዓላዊነትና ነፃነት በስልጣንና ቁሳዊ ሃብት ሊለወጥ ይችላል፣ በስልጣን ላይ ለመቆየት ዜጎችን በተናጠል ከመግደልና ማቁሰል አልፎ በጅምላ-ጨራሽ መሳሪያ እስከመጨፍጨፍ ሊደርስ ይችላል። እንኳን ለሚወክሉት የፖለቲካ ማህብረሰብ ወልዶ-ላሳደጋቸው ቤተሰብ ፍቅር የላቸውም፣ ለባላንጣ ይቅርና ለዕድሜ-ልክ ወዳጅ ምህረት አያደርጉም። ምክንያቱም ከራስ-ወዳድነት የተረፈ እንጥፍጣፊ ፍቅር በውስጣቸው አይገኝም። በተለይ የህወሓት መስራቾችና አንጋፋ አመራሮች ከባርነትና ጭቆና በስተቀር ስለ ሕዝብ ነፃነትና እኩልነት ምንም ነገር አያውቁም።

 

 

                                                              Copyright ©2008 GPO/OPC Allrights Reserved