Gumii Paarlaamaa Oromoo (GPO)

Oromo Parliamentarians Council (OPC)

 

Baga Nagaan Dhuftan!Welcome to Oromo parliamentarians council!

 

 

 

 

 

 

 

 

 

              New Page 2 home                         
  • E E NY U Q A B S A A ‘ O N N I ? !

    Dubbiin namaa dhufeef akka argan dubbachuu

    Moo dhugaaf qabatamaan lubbuu ofii laachuu?

     

    Anaaf kan naan galle hiikkaan qabsoo ammaa

    Kaayyoo aggaamame bira akkamiin gahamaa?

     

    Baradhe kan jedhu kan qubee lakkaa’ee

    Qabsoo lafa kaa’ee walnyaachuutti gadi taa’e

     

    Kaan dalagaarra jira kaayyoof manaa ba’ee

    Bosonatti galee namaa gadi ta’ee

     

    Jiraachuu utuu qabuu akka nama tokkoo

    Beelaan dararamaa baataa jira rakkoo

     

    Kaan garuu wacumaan lafa dadayyaasaa

    Haaduu qara lamaa ta’eeraam basaasaa

     

    Asiif achi fiiganii oduu tatamsaasuun

    Waan guddaa kaa’anii harcaatuuf daa’imuun

     

    Itti fafakkeessaaf of tuulummaan gamaa

    Dubbiin waa’ee hinbaafneef susussuktuu namaa

     

    Mee maali Oromoo maaltu fala laataa?

    Gaarri bu’aa ba’iin maaliin walqixxaataa?

     

    Mee akkamittiin adda baafatamaa

    Moo namni hunduu qixa faarfatamaa?

     

    Inni kaan yoo falmu dirree qabsoo seenee

    Kaan FB bookkisa ta’eeraam maxxannee

     

    Lagaan walqoqqoodee gajjallaaf gararraa

     As achi kurkuraa fakkaatee gaararraa

     

    Kan muraasni hojjeteen kumni yoo of jaje

    Hirribarraa ka’ee sireerraa baajjajee

     

    Nama gidduu seenee saba utuu qoqqooduu

    Utuu waa hin hojjetiin afaaniin barooduu

     

    Erga qabsoo ta’ee maqaansaa silumaa

    Kan tokko cabetti inni maaf waamamaa

     

    Egaa jecha qabsoof hiikni habarbaadamuu

    Malee kan akkakoo kuni takkaa itti hinwaamamuu

     

    Kaanis afaan baneef galata hinargatiin

    Kan gootni galmeesseen lugni itti hinwaamamiin

     

    Yookaan nuuf haataa’u ulaagaan qabsoodhaa

    Malee meeshaa hinta’iin bookkistuuf farroodhaa

     

    Marartee sabasaaf isa lubbuu laate

    Rasaasni diinotaa dhoksaatti isa nyaate

     

    Kan qilinxoof Ziwaayiin mana isaaf ta’e

    Maa’ikelaawwiif kachalleetti naftisaa dacha’e

     

    Isa gootni ilmaa kan falme ifatti

    Malee anaaf ati goota miidiyaati

     

    Barataa barnootasaa utuma jaallatuu

    Isa hankaaksite ilmaan warra hattuu

     

    Isa kaayyoo dheeraan jalaa gabaabbate

    Fayyaa guutuus dhabee sammuudhaa maraate

     

    Mana murtii dhaqus sobni itti murtaa’ee

    Utuu dhugaa qabuu cabee hunkutaa’e

     

    Isaaf gale malee hiikkaan qabsoo suni

    Maal goone maal qabna keenya maal ga’eeni

     

    Beekaas jettu wallaalaa hayyuu jettee faarsuun

    Amantiif lagaan waa meeqa munaaguun

     

    Siifis ta’e anaaf homaa hiikkoo hinqabu

    Namnuu nuffee dhiisaa gaafuma dadhabuu

     

    Taakkuu tokko deemuun jennaan, maraatooni

    Wanti anaaf hingalle eenyuu qabsaa’onni?

     

    Beekan Gulummaa Irranaa Mardaasaa

    Harvard University, USA

    email. beekanguluma@gmail.com

    Cell Phone +1 (617) 319 44 98

    Twitter: @beekanguluma

    Skype: hayyuubeekan1

 

 

                                                              Copyright ©2008 GPO/OPC Allrights Reserved